કોકરોચ જનતા પાર્ટીનું SIR મુદ્દે મુખ્ય ચૂંટણી કમિશનરને અલ્ટીમેટમ:48 કલાકમાં રાજીનામું આપો, નહીં તો દેશભરમાં આંદોલન કરીશું; આરોપ- 13 કરોડ મતદારોનાં નામ કાપી નાખ્યાં
According to a report by Divya Bhaskar… કોકરોચ જનતા પાર્ટી (CJP) એ ગુરુવારે ચૂંટણી પંચની કામગીરી પર સવાલો ઉઠાવ્યા. CJPએ કહ્યું કે દેશમાં સ્પેશિયલ ઇન્ટેન્સિવ રિવિઝન (SIR) દ્વારા 13 કરોડ મતદારોનાં નામ મતદાર યાદીમાંથી કાઢી નાખવામાં આવ્યાં છે. લોકો પાસેથી મતદાન કરવાનો અધિકાર છીનવાઈ રહ્યો છે. પાર્ટીના સ્થાપક અભિજીત દીપકેએ મુખ્ય ચૂંટણી કમિશનર (CEC) જ્ઞાનેશ કુમારને દેશદ્રોહી ગણાવીને તેમના રાજીનામાની માગ કરી. દીપકેએ કહ્યું કે લોકશાહીનો અર્થ એ છે કે દેશની જનતા સરકાર પસંદ કરે. પરંતુ જ્ઞાનેશ કુમાર મુખ્ય ચૂંટણી કમિશનર બન્યા બાદ સરકાર એ નક્કી કરી રહી છે કે કોને મતદાન કરવાની મંજૂરી આપવામાં આવશે અને કોને નહીં. તેમણે સવાલ ઉઠાવ્યો કે જો લોકોને મતદાન કરવાનો અધિકાર જ નક્કી કરવામાં આવશે, તો તેને લોકશાહી કેવી રીતે કહી શકાય. દીપકેએ કહ્યું કે ચૂંટણી પંચની વર્તમાન કાર્યપ્રણાલીએ લોકશાહીની સમગ્ર વિભાવનાને ઉલટાવી નાખી છે. SIR વિવાદ પર ચૂંટણી પંચે કહ્યું- નિર્ણયો સર્વસંમતિથી લેવાયા જોકે, સ્પેશિયલ ઇન્ટેન્સિવ રિવિઝન (SIR)ને લઈને સામે આવેલા મીડિયા અહેવાલ પર ચૂંટણી પંચે પોતાનો પક્ષ રજૂ કર્યો હતો. પંચે કહ્યું હતું કે બહુમતી સભ્યો ધરાવતી બંધારણીય સંસ્થામાં અલગ-અલગ મતો, સૂચનો અને ટિપ્પણીઓ આવવી સામાન્ય પ્રક્રિયા છે. પંચે કહ્યું કે SIR સહિત છેલ્લા એક વર્ષમાં લેવાયેલા તમામ અંતિમ નિર્ણયો સર્વસંમતિથી લેવાયા છે. ઇન્ડિયન એક્સપ્રેસના તે અહેવાલ બાદ આ સ્પષ્ટતા કરવામાં આવી, જેમાં દાવો કરવામાં આવ્યો હતો કે ચૂંટણી કમિશનર સુખબીર સિંહ સંધૂ અને વિવેક જોશીએ છેલ્લા 10 મહિનામાં ઓછામાં ઓછા 14 વખત વાંધો નોંધાવ્યો હતો. અહેવાલમાં ફોર્મ-6માં ફેરફાર, મતદાર યાદીમાં નામ ઉમેરવા-દૂર કરવા અને મતદાર ડેટાબેઝના કેન્દ્રીકરણ જેવા મુદ્દાઓ પર વાંધાઓનો ઉલ્લેખ હતો. ચૂંટણી પંચે આ દાવાઓ પર 8 મુદ્દામાં પોતાનો જવાબ આપ્યો છે. 6 ઓગસ્ટ- અભિજીત દીપકે ગામડાં-શહેરોમાં યુવાનો સાથે વાત કરશે CJPના સ્થાપક અભિજીત દીપકેએ 6 ઓગસ્ટે યોજાયેલી પ્રેસ કોન્ફરન્સમાં સપ્ટેમ્બરથી દેશભરમાં ‘શું બોલે છે જનતા’ અભિયાન શરૂ કરવાની વાત કહી હતી. દીપકેએ મહારાષ્ટ્રના સંભાજીનગરમાં આ જાહેરાત કરી હતી. તેમણે કહ્યું હતું કે સંગઠન ગામડાં અને શહેરોમાં જઈને યુવાનો સાથે વાત કરશે. સાથે જ, બેરોજગારી અને મોંઘા શિક્ષણને મુદ્દો બનાવશે. complete report is on link below. Source: https://www.divyabhaskar.co.in/national/news/cjp-accuses-election-commission-voter-list-deletion-controversy-139132740.html